esport icon

MAN MAKER ƏN ÇƏTİN CROSSFİT MƏŞQİ

  • 03-02-2021
  • 68
$blog->name

Super çətin məşq axtarırsınız? O halda “man maker” olaraq bilinən crossfit hərəkəti tam sizlik ola bilər. Gündəlik fitness rejiminizə bəzi çətin tapşırıqlar əlavə etmək istəyirsinizsə, bu mükəmməl seçimdir. Hələ də “man maker” hərəkətindən xəbərsiz bir çox idmançı mövcuddur.

Bu hərəkətin ən yaxşı özəlliklərindən biri həddindən çox xüsusi avadanlıq tələb etməməsidir. Ehtiyacınız olan məşq etmək üçün kifayət qədər yer, qantel və ya kettlebell-dir.

Hərəkətin adı sizdə elə təəssürat yaratmasın ki, bu təkcə kişilər üçündür. Çətin bir hərəkət axtarışında olan qadınlar da öz məşq rejimlərinə bu hərəkəti əlavə edə bilərlər.

Man maker necə edilir?

addım: avarçəkmə plank-ı
Başlamaq üçün  hər iki əlinizdə ağırlıqla özünüzü plank vəziyyətinə gətirin. Yaddan çıxarmayın, bu duruşda qarnınızı sıx, ayaqlarınızı düz tutmalısınız.

Hazır olanda bir əlinizə qantel-i və ya kettlebell-i alın və avarçəkmə hərəkətini gerçəkləşdirin. Bu düz plank vəziyyətini qoruyaraq edilməlidir.

Bir qolunuzla bir təkrarı bitirdikdən sonra ağırlığı yerə qoyun və eyni hərəkəti digər qolunuzla edin.

addım: Squat və push press
Avarçəkmə hərəkətini bitirdikdən sonra, plank vəziyyətində olan ayaqlarınızı tullanaraq önə doğru gətirin və squat vəziyyətini alın. Bu burpee hərəkətinin eynisidir.

Qantellərlə işləyirsinizsə, sonrakı addımları ağırlıq olmadan edə bilərsiniz. Lakin kettlebell-lə məşq edirsinizsə, ayağa qalxmazdan əvvəl onu almağınız lazım olacaq. Əlinizdəki ağırlıqla özünüzü yuxarı qaldırın.

Hərəkəti bitirən kimi, təkrar squat vəziyyətinə qayıdın. Ombanızın diz cizginizin altında qaldığından əmin olun, bu da 90 dərəcəlik bucaqla tam bükülməsi mənasını verir.

addım: başı üstə press
Bu hərəkətin son mərhələsi üçün təkrar ayağa qalxmalısınız və  qollarınızı başınızın üstünə uzatmağınız lazım gələcək. Hərəkət başı üstə press (push press) və ya çiyin press-i olaraq bilinir.

İnanmağı çətin olsa da, bütün bu hərəkətlər tək bir hərəkət hesab olunur. Ona görə də hərəkəti təkrarladıqca çətinləşir. Buna görə də ən çətin crossfit hərəkətlərindən biri hesab olunur.

Man maker əskiksiz hərəkətdir. Çünki hərəkət demək olar bütün əzələləri işlətməyə kömək edir. Beləliklə, gündəlik təkcə bu hərəkəti təkrarları ilə etmək belə, ümumi bir məşq rejimini etməyə bərabər olur. Aldığınız bu informasiyalardan sonra, bəs siz necə, man maker etməyə hazırsınız?



Onlayn operator Esport.az
Salam, sizə necə kömək edə bilərik?
Təsdiqləyin