esport icon

RAHATLANMAĞINIZA KÖMƏK EDƏCƏK 4 İDMAN

  • 07-10-2020
  • 107
$blog->name

Proqramınız yerinə yetirilməli olan məcburiyyətlərlə dolu olanda rahat olmaq həmişə asan deyil. Bununla bərabər, rahatlamaq sağlamlıq üçün çox vacibdir və idman kimi əyləncəli fəaliyyətlərlə bunu bacarmaq mümkündür. Bu yazıda rahatlanmağınıza kömək edəcək bəzi idmanlardan bəhs edəcəyik - stressinizi azaltmaq üçün ən sevdiyiniz idman növünü seçin. 

Bəzi insanlar vəzifələri ilə və onların tələb etdiyi məsuliyyətlərlə o qədər məşğul olurlar ki, gərginliklərini azaltmaq üçün nə vaxtları olur, nə də hər hansı fiziki fəaliyyətlə məşğul olurlar. Daha əvvəl də qeyd etdiyimiz kimi, idman stresslə mübarizə aparmağın ən effektli yoludur. Lakin bütün idman növlərinin rahatlamağınıza eyni dərəcədə təsir göstərmədiyini siz də bilirsiniz. 

Rahatlanmağınıza kömək edən idman seçimi bəhs mövzusu olduqda, yeni narahatlıq yaradan, stress mənbəyi olmayan idman seçməyiniz gərəklidir. Bu səbəblə, çox rəqabətli və ya narahat hiss etdiyiniz vəziyyətlərə səbəb olan idmanlardan qaçınmaq yaxşıdır.

Bənzər şəkildə stressdən azad olmaq mövzusunda ideal olduqları üçün, qaçış və ya üzmək kimi dayanıqlılıq idmanlarını seçməlisiniz. Bədəninizin rahatlamasına və əzələ oynaq gərginliyini aradan qaldırmaq üçün məşqdən əvvəl və sonra isinmə və gərilmə hərəkətlərini etməyi unutmayın.

 

Rahatlamağa kömək edən idmanlar hansılardır?

Aquagym

Siyahımızdakı idmanlardan ilki aquagym-dir. Əslində ən effektli idmanlardan biridir. Çünki suda olan müqavimət və edilən hərəkətlər həm ürək - damar sisteminizin, həm də əzələlərinizin yoğun şəkildə işləməsini tələb edir. 

Suyun əzələlərinizin dincəlməsinə və eyni zamanda gərginliyi azaltmasına kömək etdiyini unutmayın. Buna görə də aquagym xüsusilə, stressdən əziyyət çəkən və rahatlıq axtaran insanlar üçün uyğundur. 

 

Velosiped

Velosiped sürmək, məşq etməyin ən rahatladıcı və əyləncəli yollarından biridir. Başlamağı düşünürsüzsə, əvvəlcə yavaş başlamağınızı, sürət və məsafənizi irəliləyən mərhələlərdə artırmağınızı məsləhət görürük.

Velosiped sürməyin ən yaxşı tərəfi, sərhədlərinizə istədiyiniz qədər meydan oxuya bilməyinizdir. Məsələn, yuxarı və aşağı sürmək üçün təpələr tapa bilər və ya sadəcə düz bir zəmində sürə bilərsiniz. 

Hər iki halda da velosiped zehninizi təmizləmək və eyni zamanda bəzi məşqlər etmək üçün ən yaxşı yollardandır. 

 

Qaçış

Qaçış, narahatlıqları arxada buraxmanın, bədən və zehin üçün daha yaxşı rahatlamanın doğru yolu ola bilər. Hamısından yaxşısı isə ehtiyacınız olan tək şeyin sadəcə bir cüt ayaqqabı və motivasiya olmasıdır. Əslində qaçış, şəhərin stressindən uzaq bölgələrində edilərsə, xüsusilə, sağlıqlı bir fəaliyyətdir. Çünki bədəninizlə meditasiya yolu ilə əldə edilən bənzər bir münasibət qurmağınıza kömək edəcək. Fiziki vəziyyətinizi yaxşılaşdıraraq məsafəni nə qədər artıra biləcəyinizi görəcəksiniz.

 

Üzmək

Son olaraq, ən çox rahatlama təmin edəcək idmanlardan biri üzməkdir. Məşq etmək və rahatlamaq üçün üzmənin fərqli yolları var. Əzələlərinizin dayanıqlılığını və gücünü artırmaq üçün fərqli üzmək stillərini yoxlamağınızı tövsiyə edirik. 

Əslində, yaxşı məşq etmək üçün hovuzda özünüzü çox yormağa məcbur deyilsiniz. Su sizi sərin tutduğu üçün çox ehtimal yorğun hiss etməyəcəksiniz. Ancaq hovuzda aktiv olmaq, suda hərəkət edərkən tətbiq etdiyiniz müqavimət səbəbi ilə mükəmməl məşq qaynağıdır. 
 

Bu siyahıda qeyd etdiyimiz idmanlar, insanların formada qalmaq və rahatlamaq üçün müraciət etdiyi ən yayğı idmanlardan bir neçəsidir. Düzgün idman etməyin və düzgün fiziki aktivliyə qatılmağınızın özünüzü daha yaxşı hiss etməyinizə kömək edəcəyinə inanırıq. Onları yoxlamaq və problemləri bir anlıq unutmaq üçün nəyi gözləyirsiniz?



Onlayn operator Esport.az
Salam, sizə necə kömək edə bilərik?
Təsdiqləyin