esport icon
social icons

YARALANMA RİSKİ DAHA ÇOX OLAN İDMANLAR

$blog->name

Yaralanma, bütün fiziki fəaliyyətlərdə başımıza gələ biləcək hadisədir. Bu evdə pilləkən qalxıb-düşəndə, işdə olanda, yaxud idman edərkən baş verə bilər. Buna görə də, bugünkü yazımızda yaralanmalardan, daha doğrusu, ən çox yaralanma yaşanan idmanlardan bəhs edəcəyik.

Ən çox yaralanmalara səbəb olan idmanları dəyərləndirdikdə, onların orta yaralanma dəyəri əsas götürülür. Orta yaralanma dəyəri nədir? Bu idmanın hər min saatlıq fəaliyyəti zamanı meydana çıxan yaralanma sayıdır.

Hansı idman növü ilə məşğul olmağımızdan asılı olmayaraq, gec-tez, istinasız yaralanma yaşayacağıq. Amma bəzi idman növlərində, bariz səbəblərdən digərlərinə nisbətən yaralanma riski daha çoxdur. Onlardan bir neçəsi;

Rugby. Rugby-də də futbolda olduğu kimi, idmançılar buts geyinirlər. Və oyunçu bədənini ani döndərəndə bağ qopması kimi, yaralanmalarla qarşılaşır.

Squash. Bu çox məşhur idman olmasa da, yüksək enerji tələb etdiyindən, ürək-damar və əzələ problemlərinə zəmin yaradır.

Çox kiçik məkanda, sürətli bir şəkildə oynanılır. Oyunçular daim yer dəyişdirməlidirlər. Bundan əlavə kiçik bir topla oynanılır və topun gözü zədələmə riski böyükdür. Bu idmanla məşğul olanların 52 %-i ən az bir dəfə yaralanıblar.

Boks. Ən çox yaralanmaya səbəb olan idman boks və digər döyüş növləridir. Boksda əzilmə və kəsik kimi xırda, iç qanama, beyin travması, qabırğa qırılması kimi böyük yaralanmalar yaşanır.

Bu problemləri nəzərə alan Amerika Pediatr Birliyi bu idmanın yeniyetmələr üçün qadağan edilməsini istədi.

Basketbol. Bu idman bədənə fərqli zərərlər verən bir neçə faktoru özündə birləşdirir. İlk olaraq yüksək enerji tələb etdiyindən, əzələ problemlərinə yol açır.

İkincisi, dar məkanda oynanılır və ani istiqamət dəyişmələr burxulmalara səbəb olur. Son olaraq, fizik təmas və tullanmalar zamanı yaralanma ola bilər.

Qaçış. Bir çox idman növündən daha çox yaralanmaya səbəb olan idmanlardan biri də qaçışdır. Orta hesablamaya əsasən, bir il ərzində qaçışla məşğul olan idmançıların 50%-i yaralanıblar. Bu idman növündə idmançılar ən çox dizdən yaralanırlar.

 

Futbol. Təbii ki, milyonlarla tərəfdaşı olan bu idmanı kənarda saxlaya bilməzdik. Futbol professionalların həvəskarlardan daha çox yaralandığı idman növüdür.

Crossfit. Son dövrlərdə yaralanma çoxluğuna görə, o qədər də yaxşı olmayan bir şöhrətə sahibdir. Bununla birlikdə, crossfitlə məşğul olmağa qərar vermisizsə, sizə rəhbərlik edib, istiqamətləndirəcək təcrübəli məşqçidən kömək almağınız yaralanma risklərinizi azaldacaq.

Yazımızın əvvəlində qeyd etdiyimiz kimi, hansı idman növü ilə məşğul olmağımızdan asılı olmayaraq, yaralanma riski həmişə var. Bunun qarşısını almaq üçün, yaxşı texniki qabiliyyətə və hazırlığa ehtiyacınız var.


1 ay əvvəl 120