Evdə məşq etmək üçün lazım olan avadanlıqlar

İdman zalı məşq etmək üçün ideal məkan olsa da, tək yer deyil. Evinizin komfortundan istifadə edərək, bədəninizi inkişaf etdirə bilərsiniz. Üstəlik məqbul qiymətlərlə əldə edəcəyiniz avadanlıqlarla, evdə məşq zonanızı yarada bilərsiniz.

Belə bir niyyətiniz varsa, əsas olan nəyə ehtiyacınızın olduğunu, nə isə ehtiyacınız olmadığını dəqiq bilməkdir. Ancaq bu halda xərclərinizi nəzarət altında saxlaya, məkanınızı məşq üçün uyğun hala gətirə bilərsiniz. Yazımızın davamında evinizdə məşq zonanızı necə qura biləcəyinizdən bəhs edəcəyik.

Bir otağınızı və ya münasib bir zonanı məşq üçün ayırın. Evdə bədəninizi inkişaf etdirmək istəyəndə əsasən, çətinlik yaradan məsələ yerlə bağlıdır. Bu halda, evinizin bir otağını və ya rahat hiss edə biləcəyiniz hər hansısa otağın bir hissəsini məşq üçün ayırmaq ən düzgün seçim olacaq. Əks halda məşqləriniz bölünəcək, bu da həvəsdən düşmənizə səbəb olacaq.  

Hər yaş qrupu üçün əsas məsləhətlərimizdən biri budur; seçdiyiniz məkanda avadanlıqlarınızı qoruyub, məşq edə bilmək üçün kifayət qədər sahəniz olmalıdır.

Bir digəri isə, məşq edəcəyiniz zəmini maksimum yumşaq hala gətirəcək xalçanın olmasıdır.  Bunun üçün uyğun bir xalçanız yoxdursa, uyğun qalınlıqda bir xalça, yaxud hər daim işinizə yaraya biləcək pilates matı (https://esport.az/category/aerobika-matlari) ala bilərsiniz. Həmçinin, hərəkətlərinizi rahatlıqla görə bilməyiniz üçün məşq zonanıza böyük bir ayna da yerləşdirməlisiz. Təbii ki, bunu məşq seansının sonrakı mərhələlərində də hissə-hissə alıb, yerləşdirə bilərsiniz.

Evdə bədən inkişaf etdirmək, ağırlıq və dummbells (qantellər).  İlk mərhələdə, lazımı ağırlıq, ştanq və qantelləri almağınız şərtdir. Bir az baha görünsə də, evdə Bodybulding-lə məşğul olmaq istəyirsizsə, bu avadanlıqlara mütləq ehtiyacınız var. Evdə məşq edərkən, lazımı ağırlıq və avadanlıqlar daim  əlinizin altında olmalıdır.

20 kiloqramlıq qantellər almaqla işə başlaya bilərsiniz. Bu ağırlıq orta səviyyəli biri üçün qaldıra biləcəyi çəkidir.

Daha irəli səviyyədə idmançısınızsa, hər biri 10 kiloqramdan ibarət 4 disk almağınız da yaxşı seçim olacaq (https://esport.az/category/agirliq-diskleri).

Bunlar bədən inkişaf etdirmək istəyənlər üçün mütləq olmalı avadanlıqlardır. Həmçinin, siyahınıza 5 kiloqramlıq 2 disk də əlavə edə bilərsiniz.

Məşqlər üçün dayaq almaq şərtdirmi? Çox təəssüf ki, güc məşqlərinin çox az bir qismi ayaqüstü edilir. Bunun üçün də hərəkətlərinizi dəstəkləyib, daha sərbəst olmağınız üçün skamya  və dayaqlarına ehtiyacınız olacaq  (https://esport.az/category/skamyalar-ve-direkler). Bunlar sizə hərəkət sərbəstliyi və rahatlığı təmin etdiyi üçün evdə məşq etməyiniz asanlaşacaq.

Evdə bədən inkişaf etdirmək üçün kiçik və uyğun qiymətli avadanlıqlar.  Evdə yetərli sahəniz və iqtisadi imkanınız varsa, ayaq məşqlərini edə biləcəyiniz, güc trenajoru almağınız tövsiyə edilir. Lakin yetərli sahəniz olsa da, maddi imkanınız trenajorları almağa imkan vermirsə, uyğun qiymətə ala biləcəyiniz avadanlıqlardan bir neçəsini sizinlə bölüşürük.

Elastik idman bantı: düz zəmində istifadə edə biləcəyiniz bu bantlar, biceps, triceps və sinə məşqləri üçün ideal avadanlıqlardır. Bir neçə bant alıb eyni vaxtda istifadə edə bilərsiniz.

Ab roller: kənarlarında tutacaqları olan bu kiçik, təkər görünüşlü avadanlıq, qarın və core bölgənizin məşqləri üçün idealdır. Bu tipdə, az yer tutan və münasib qiymətli avadanlıqlar evdə bədən inkişaf etdirmək üçün idealdır.

 Yazılanlar faydalı oldusa, artıq evdə məşqlərə başlamaq üçün hazırsınız deməkdir.