İdman Alətləri, Evinizdə İdman Zalı Yaradın - Esport

Heç nə vaxtsa evinizdə özünüzə aid idman zalı yaratmaq barəsində düşünmüşünüz? Bu yazımızda evdə məşq etmək üçün ala biləcəyiniz ən yaxşı idman alətləri və onların ən yaxşı alternativlərini dəyərləndirəcəyik. Hər bir idman alətinin özünəməxsus üstünlüyü və istifadəsi var, buna görə də hər hansı bir idman alətinə vəsait ayırmazdan əvvəl yaxşı bir araşdırma etmək olduqca vacibdir.

Evinizdə öz idman zalınızı yaratmağa qərar vermisinizsə, aşağıdakı qeydləri nəzərinizdə saxlamağınız daha məqsədə uyğun olar:

• İdman alətlərini aydınlıq və çox yaxşı havalandırılan bir yerə yerləşdirin. İdman zalı alətlərini heç girmədiyiniz bir otaqda yerləşdirsəniz, bu alətləri istifadə etmək nadirən ağlınıza gələcək.
• Həqiqətən istifadə edəcəyiniz idman alətlərini alın.
• Bir plan qurun, həm qısa, həm də uzun müddətli dövr üçün qarşınıza məqsədlər qoyun, eynilən idman zalındakı kimi.

Eviniz üçün idman alətləri

Velotrenajor

Demək olar ki, evdə məşq edən hər kəsdə olan idman alətidir. Ancaq velotrenajorlar əksər hallarda bir küncdə tozlanmış halda unudulurlar. Bunu etməyin ürək-damar sağlamlığınız baxımından bu alətin faydalarından yararlanın. Həmçinin bu idman alətləri yağ və kalori yandırmaq üçün ideal olduğunu unutmayın. Məqsədiniz arıqlamaqdırsa, bu trenajor sizə çox kömək edəcək.

Elliptik trenajorlar

Veltrenajora bənzəyən idman alətidir. Lakin elliptik trenajorlarda məşqlər ayaqüstə edilir. Bu trenajorla bədəninizin həm üst, həm də aşağı üzvlərini işlətmiş olursunuz.

Bench (skamya)

İdman salonu sevənlərin əksəriyyəti müvafiq çəkilərə malik bir bench və ağırlıq almağı seçirlər. Bahalı olsa da, bu, qollarınızı, sinənizi və hətta belinizi məşq etdirmək üçün əla bir yoldur. Birdən çox bench alsanız, daha çox məşq edə bilərsiniz.

Bu seçim sizi maraqlandırırsa, tənzimlənən skamyaları nəzərdən keçirməlisiniz. Beləliklə, eyni alətdən istifadə edərək müxtəlif əzələləri məşq etdirə bilərsiniz.

Qantel

Hər nə qədər tam olaraq idman alətləri hesab edilməsələr də, qantellər bench ilə istifadə edilərək evdə edə biləcəyiniz məşq növlərini artıra bilər. Bundan əlavə qantellərdən həm ayaqüstə, həm də yerdə istifadə edə bilərsiniz.

Avarçəkmə aləti

Fitness avadanlıqları arasında ən bahalı seçimlərdən biri olsa da, bədənin bir çox əzələsini işlətmək üçün əla bir yoldur. Əlavə olaraq evdə kardio etmək üçün bu idman alətindən istifadə edə bilərsiniz.

Qaçış trenajoru

Qaçışı sevənlər üçün qaçış trenajoru əla sərmayə ola bilər. Çox soyuq, yaxud isti günlərdə kardio məşqinizi evdə edə bilməyiniz üçün əla alternativ olacaq.

İdman alətlərinə başqa alternativlər

TRX lentləri

Trenajorlara işləməkdən xoşunuz gəlmirsə və ya daha ucuz alternativ axtarırsınızsa, TRX lentləri sizə kömək edə bilər. Bu lentləri pilləkənlərə, alçaq tavana və ya qapılara bağlaya və bütün növ məşqləri etmək üçün istifadə edə bilərsiniz.

Turnik

Evinizin bir küncünə bir və ya bir neçə turnik quraşdırıb öz bədən çəkinizlə işləyə bilərsiniz. Bu çubuqlar sayəsində evinizdən çıxmadan dartınma hərəkətləri edə, üç başlı əzələlərinizi və sinənizi işlədə bilərsiniz.

Atlanma ipi

Digər bir kardio avadanlığı. Atlanma ipi çox tələb olunan bir idman məhsuludur. Dəqiqələr içərisində günün istənilən vaxtında rahatlamaq və kalori yandırmaq üçün idealdır.

Gördüyünüz kimi, öz ev idman salonunuzu qurmaq üçün həqiqətən böyük bir pul xərcləməyə ehtiyac yoxdur. Əsas olan mənbələri optimallaşdırmaq və həqiqətən istifadə edəcəyiniz və sizi maraqlandıran avadanlıqlara investisiya qoymaqdır. Unutmayın ki, məşq məqsədlərinizə çatmaq üçün bu alətlərdən istifadə edəcəksiniz.