Məşq planına uyğun qidalanma

İnsanların idmana müraciət etmək səbəbləri fərqlidir. Bəziləri arıqlamaq, bəziləri əzələlərini inkişaf etdirmək, bəziləri sadəcə əzələlərini daha nəzərə çarpan etmək üçün idmana başlayır. Və idman etmək səbəbləri fərqli olduğu kimi, hər məşq növünün də fərqli qidalanması var. Bugünkü yazımızda məşq növlərinə görə, necə qidalanmalı olmağınızdan bəhs edəcəyik.

 Əzələ kütləsini artırmaq üçün məşq. Çəkisini artırıb daha çox əzələ kütləsinə sahib olmaq istəyənlər üçün yol çox sadədir; hər zaman yeyin. Mümkünsüz görünə bilər, lakin bədənin sağlam yağları depolayıb, əzələ kütləsini artıra bilmək üçün yol budur.

Başlamaq üçün sadəcə gündəlik qidalanmanızı axsatmayın. Gün ərzində 5 və ya 6 dəfə yemək yeyin. Tam taxıllı çörək, yumurta, pendir, toyuq, banan, yulaf, qatıq, ton balığı, hinduşka, brokoli kimi qidaları menyunuzdan əksik etməyin.

 Əzələləri daha nəzərə çarpan etmək üçün məşq. Əzələlərinizə estetik görünüş qazandırmaq istəyirsinizsə, etdiyiniz məşqlərlə yanaşı daim əməl etməli olduğunuz pəhriz listiniz də olmalıdır.

Bu məşq növündə qidalanma çəki artırmağa oxşasa da, əsas fərqi bol yaşıllıqla (salatlarla) zəngin olmasıdır. Məşq etməzdən əvvəl, yaxşı yeməlisiniz ki, əzələlərinizi işlədə biləcək enerjiyə sahib olasınız.

Arıqlamaq. Məşq etmək məqsədiniz arıqlamaqdırsa, əməl etməli olduğunuz bir neçə qayda var;

Bol miqdarda yaşıl çay (yağ yandırır) və su için (iştahanı azaldır)

Lif qəbulunu artırın (həzmə kömək edir və qəbizliyin qarşısını alır)

Porsiyalarınızı azaldın, məsələn desert boşqablarında yeməyə çalışın, beyin qabın kiçikliyinə yox, yeməyin çoxluğuna mərkəzləşəcək. Beləliklə, daha tez doyma hissi gələcək.

Tipik kilo vermək pəhrizi; səhər yeməyində bir dilim kəpəkli çörəklə pendir, aralıqda bir meyvə, nahar üçün düyü, çuğundur, pomidor, kələm salatı ilə közlənmiş toyuq sinəsi,  aralıqda qatıq, şam yeməyi üçün isə, tərəvəz salatı ilə tərəvəz şorbası.

İdman zalında performans artırmaq üçün məşq. İdman zalına mütəmadi gedib məşq edirsinizsə, pəhrizinizə əlavə etməli olduğunuz bir neçə qida var. Zeytun yağı, sadə qatıq, zəncəfil, ton balığı, yumurta, meyvə, tərəvəz, A və C vitaminləri.

Belə vəziyyətdə gündəlik pəhriziniz belə olacaq; səhər yeməyində çovdar çörəyi ilə meyvə və qatıq, aralıqda bir meyvə, naharda yağsız ət və tərəvəz salatı, aralıqda hinduşka əti ilə sendviç,  şam yeməyi üçün bişmiş tərəvəzlərlə balıq.

Bütün bu yazılanlardan əlavə, məşq edirsinizsə, mütləq qidalanma mütəxəssisi ilə məsləhətləşib, məşqlərinizə elə davam etməyinizi tövsiyə edirik.