Məşqdən sonra içə biləcəyiniz yaxşı Shake

Ümumilikdə, məşqdən sonra bir şey içmirsizsə, sizə bunu etməyin bütün faydalarını, həmçinin, ən yaxşı məşq sonrası içkilərindən birini məsləhət edəcəyik.

Məşqi bitirdikdən sonra, enerjinizi geri qazandıracaq, içki içmək vacibdir. Buna görə də, məşqdən sonra ən yaxşı içkini hazırlaya bilməyiniz üçün bir neçə ipucumuz olacaq.

Bir çox idmançı məşq sonrası qidalanmağa vaxt ayırmır. Çünki vaxtları olmur, yaxud ən pisi kalori qəbulunu azaltmaq üçün düzgün və vaxtında qidalanmırlar. Fitness hədəflərinizə çatmaq üçün güc və əmək sərf etdikdən sonrakı vacib addımlardan biri qidalanmadır.

Məşq seansından sonra, bədəninizi ehtiyac duyduğu qidalarla təmin edə bilmək üçün 1 saatınız olduğunu unutmayın.

Bir çox idmançı məşqdən sonra hər hansısa bir qida, yaxud içki qəbul etməmək kimi yanlışa düşə bilir. Onlar inanırlar ki, beləliklə, daha tez yağ yandıra biləcəklər, əslində isə elə deyil. Məşqdən sonra metabolizm öz iş səviyyəsinin ən yüksək həddində olur, bu da o deməkdir ki, həmin an qəbul edəcəyiniz bütün qidalar bədənin özünü bərpası üçün enerjiyə çevriləcək. Bunun üçün də yuxarıda qeyd etdiyimiz kimi, 1 saat vaxtınız var. 1 saatdan sonra metabolizm normal iş rejiminə qayıdır. Artıq qəbul etdiyiniz qida və içkiləri yağ kimi, depolamağa hazır olur.  

Məşq sonrası içki qəbul etməyin təməl səbəbi; bədəniniz fiziki aktivlik zamanı itirdiyi enerjinin bir hissəsini qurtarmasına kömək etməsidir. Karbohidrat və şəkərin qaraciyərdə qlükoza kimi depolandığını unutmayın. Məşq əsnasında əzələlərin normal fəaliyyəti üçün depolanan qlükoza istifadə edilir. Bununla belə, bədənin qlükoza ehtiyatı sərhədsiz deyil. İstifadə edildiyi kimi, bərpa edilməlidir.  

Məşq sonrası içki içməyin digər vacib səbəblərindən biri də, məşq seansında əzələlərin mikroliflərində yırtılmalar ola bilər. Siz onu hiss etməsəniz belə, bədən həmin mikrolifləri bərpa etdikdə əzələ kütlənizi itirə bilərsiniz. Əzələ kütləsinin əsasını proteinlər təşkil etdiyi üçün, məşqdən sonra protein qəbul etməlisiniz.

Son olaraq, bədənin əsas enerji qaynağı qlükozadır. Yoğun və uzunmüddətli məşq dövründə bədən əzələ kütləsini parçalamaq üçün ona üz tutur. Belə olduqda, parçalanmış əzələnin amin turşuları bədən üçün enerji olaraq istifadə edilir. Əzələ kütlənizi artırmaq istəyirsizsə, bu rastlaşmaq istəməyəcəyiniz vəziyyətdir. Buna görə də məşq sonrasında içəcəyiniz içkilər bədənin enerjisini bərpa etmək üçün idealdır.

Məşqdən sonra içmək üçün hazırlayacağınız içkinin tərkibində olmalı olanları sizinlə bölüşürük;

Proteinlər; ağırlıq qaldırma seansından sonra, qəbul etdiyiniz proteinlər bədəninizdə tez parçalanır və daha sonra əzələlərin bərpasında istifadə olunur. Bu əzələlərinizin böyüməsinə və güclənməsinə kömək edir.

Karbohidratlar; sıx pəhriz saxlayan və bədənin kütlə indeksini maksimum aşağı salan şəxslər karbohidrat qəbulunu azalda bilərlər. Lakin belə hallarda belə, karbohidratlar pəhrizlərində vacib yer tuturlar.

Məşq sonrasında “dextorse” və ya “maltodextrin” kimi içkilərinizə bol miqdarda  sadə glisemik indeksli karbohidrat əlavə edə və protein sintez gücünü artıra bilərsiniz.

Yağ; məşqdən sonra, qidaların əzələ hüceyrələrinə ötürülməsini yavaşladacağı üçün yağ qəbul etməməliyik. Hətta, quru meyvələrdəki təbii və sağlam yağları belə məşqdən sonra qəbul etməməliyik.

L-Leucine;  vacib amin turşusudur və bədənimiz onu istehsal edə bilmir. Buna görə də pəhrizinizə daxil edilməli və ya əlavə qida maddəsi kimi, qəbul edilməlidir. L-Leucine proteinin bölünüb paylanmasında, məşq sonrası sağalmada, qlükoza və insulin səviyyələrinin tarazlanmasında vacib rola sahibdir.

Bütün yazılanları nəzərə alsanız, məşq sonrasında “shake”  hazırlayıb içməyin necə faydalı ola biləcəyini görəcəksiniz.