Bilyard haqqında hər şey

Güclü rəqabət hissi yaradan oyunlar içində bilyard da var. Bilyard həmçinin, pool kimi də tanınır. Bir çoxları üçün həftəsonu stress atmaq üçün üz tutulan əyləncələrdən biridir.  Bununla bərabər, üst səviyyədə beynəlxalq rəqabətə sahib və Avropada önə çıxan idman növüdür.

Bilyard həssas idmanlardan biridir və kökləri qədim mədəniyyətlərə dayanır. Bəzi tarixi məlumatlar bu tip məntiqi oyunların Misir və Yunanıstanda meydana çıxmasını müdafiə edir.

Bununla birlikdə, müasir Avropada, XVIII əsrin ortalarında bu gün bildiyimiz idman halını almağa başladı. Bir çox Avropa ölkəsinə eyni vaxtda və sürətlə yayılmasından dolayı, bilyardın tarixi haqqında bir çox təxmin var. Lakin ən çox inanılan təxmin Fransa və ya İngiltərədə meydana gəlməsidir.

Bilyardın dünya miqyasında yayğınlaşması günümüzdə fərqli növlərinin meydana gəlməsinə yol açmışdır. Fransız və ya karambol bilyard, idman növü kimi formalaşdırılan ilk model qəbul edilir və bunu ingilis bilyardı izləyir.

Amerikan bilyardı da beynəlxalq rəqabətlərdə öz yerini almağı bacarmışdır. Fransız, ingilis və amerikan növlərindən başqa, bilyardın daha 7 növü var; ispan, italyan və ya salma, Rusiya və ya piramida, pool və ya Hind, Buchacara və ya Kolumbiya,  Bumper bilyard.

Bilyardın bu qədər növünün olması, onun hər növü üçün fərqli qaydalarının olması mənasını verir. Həmçinin, bəzi insanlar fərqli növləri birləşdirib bilyard oynamağı sevirlər. Bu oyunu daha dinamik və əyləncəli edir.

Amma söhbət beynəlxalq rəqabətdən gedirsə, burada qaydalar əyləncədən əvvəl  gəlir.

Hər bilyard növünün fərqli qaydaları olması ilə bərabər, oynanılan masaları da fərqlidir. Məsələn, Fransız və ya karambol klassik və ya müasir standartı izləyən deşiksiz masalarda oynanır. Snooker (ingilis bilyardı) isə sadəcə taxta ətraflı ənənəvi yaşıl döşəməli masalarda oynanılır. Amerikan pool isə növlərinə görə, 5 fərqli masada oynanır.

Növlər arasında fərqliliklərin olmasına baxmayaraq, bilyardda demək olar ki, təməl qaydalar eynidir. Məsələn, avadanlıqlar dəyişmir; kiy topla birbaşa təmasda olan yeganə vasitədir.  İstənilən oyunda, hansı oyunçunun oyuna başlamasını bilmək üçün bir atış edilməlidir. Oyunun başladığını bildirən vuruş qırmızı topa vurulmalıdır.

Faullar da demək olar, eynidir. Oyunçu atışdan imtina edib, sırasını rəqibə vermək istəyəndə cəzalandırılır və top hakimə verilir.